Proyekto nga drainange sa dakbayan pagahumanon karong tuig 2012

DAVAO CITY MAY 8 (PIA) – Ang Gobyerno karon  dinhi sa dakbayan sa Dabaw ang determinadong nga pagahumanon ang siyam ka mga proyekto sa drainage nga nagkantidad ug P54 ka milyones sa karong tuiga.

Matud ni Andrew Lepardo sa City Engineer’s Office-Drainage Division kalakip sa maong mga proyekto mao ang pag ayo sa drainage diha sa Ponciano, Quimpo Boulevard, Royal Valley, Jade Valley u gang Matina Pangi. Kini mao ang mga lugar nga nailhan dali lamang baha-on.

Samtang ang Mayor sa dakbayan gusto nga ipatuman nag maong mga proyekto sa hinanaling pabahon. Matud ni Lepardo. Ang maong inprastruktura sa drainage nga pundo maoy kabahin sa P546-million nga Supplemental Budget I nga gipasa adtong tuig 2011.

Kauban sa mga dagkong proyekto sa drainage mao ang P10-million improvement project diha sa Quimpo Boulevard, nga maooy nailhan nga lugar nga kanunay nga baha-an.

Si Lepardo nagkanayon basi sa mga pag tuon nga aduna lamang usa ka gitawag nga lutsanan sa tubig (inlet) sa maong lugar hinungdan sa daling pag saka sa tubig nga maoy hinungdan sa pagbaha. Ubos sa maong drainage improvement nga proyekto ang pagadugangan ug laing siyam ka lutsanan sa tubig (inlet) ug usa ka dakong agi-anan pagawas (outflow) sa tubig, gikan sa 24 ka pulgada nga diametro ang pagahimoong 48 ka pulgada diametro nga imburnal ang ibutang unya sa maong lugar. Katambayayong niini mao ang Department of Public Works and Highways (DPWH) pagahimu-on nga ang ubang bul-og sa tubig didto ipagawas sa Davao Gulf, sa mga nangagi nga panahon aduna lamang usa ka agia-anan sa tubig nga padulong ngadto sa Davao River.

Sa laing bahin, ang City Planning and Development Office nga gipanguluhan ni Robert Alabado ang nagkanayon nga ang dakbayan nagkinahanglan ug dagkong mga kanal aron makunhuran ang  mga pagbaha sa ubang lugar.

Matud pa sa usa ka Dutch nga consultant nga naghimo sa pagtuon sa problema sa pagbaha niining atong dakbayan, nagkinahanglan kini nga ug daghang gitawag nga main drain partikular diha sa barangay Dumoy, Buhangin ug Lizada. Kining maong gitawag nga mga main drain ang adto pagawas sa gulpo.

Apan si Alabado nagkanayon nga ang maong mga main drain mahal kung kini kung pagahimu-on ug dugang pa sa galastusanan sa pag himo niini gikinahanglan nga mupalit ug yuta/lugar aron ibalhin ang maapektuhan unya nga mga tawo kung ang maong proyekto ipatuman. (PIA 11/AD Cahilog)