NABUNTURAN, Compostela Valley Province, May 17 – Luyo sa grabeng singot ug gibating kakapoy, nalukop gihapon sa katawa ug hudyaka ang tibuok Brgy. Bongbong sa mga kabataan ug kabatan-onang Muslim gikan sa 25 ka Madrasah Schools sa 9 ka mga lungsod sa Compostela Valley, nga malipayong nagtakos sa paugnat sa kusog atol sa usa ka semanang 6th Provincial Musabaqah Sportsfest and Quiz Bee Competition nga gipasiugdahan sa probinsiya.
Matud ni Muslim Affair Program Coordinator Anwar Sawat nga ang bag-o nahumang indigay sa kaalam ug paugnat sa kusog gisalmotan sa mga kabataan ug kabatan-onang Muslim gikan sa mokabat 25 ka Madrasah Schools sa Maco, Mabini, Pantukan, Laak, Mawab, Nabunturan, Monkayo, New Bataan, ug Compostela.
Pipila sa mahinungdanong games nga ilang gidula niadtong Abril 20-26,2012 panahon sa usa ka semanang 6th Provincial Musabaqah mao ang mga dulang Basketball, Volley Ball, Kick Ball, Badminton, Table Tennis, Track and Field, ug Chess.
Adunay duha ka mga kategorya ang mga dulang Basketball ug Kickball nga gilangkoban sa kategoryang Batang Moro sa age-level nga 14 anyos paubos ug sa Midget sa age-level nga 15 anyos pataas.
Ang mga partisipante didto nagpasilong sa Markadz Bongbong Madrasah ug sa Bongbong Elementary School sa Pantukan nga maoy temporaryo nilang gipuy-an panahon sa usa ka semanang competition.
Ang dakong engkwentro sa mga pinili ug hinashasang Muslim Players sa Compostela Valley gisugdan human sa pormal nga pagdeklarang bukas sa “6thProvincial Musabaqah Sportsfest nga malampusong gihimo ni Provincial Sports Development Coordinator Tyrone Uy sa Brgy. Bongbong. (IDS-Comval/Gilbert Cabahug)
No comments:
Post a Comment