Comval Brigada Eskwela: Pintura, Paint Brushes ug Rollers gihatag sa mga eskwelahan

Dugang sa pagtukod ug School Buildings ug sa nagapadayong distribution sa School Furnitures diha sa pampublikong mga tulunghaan sa Compostela Valley, ang liderato sa probinsiya mitabang sad sa Department of Education sa lain-laing mga paagi aron mahimong mas komportable sa mga kabataang nagtungha ang mga pasilidad diha sa pampublikong mga tulunghaan sa elementary ug sa sekondarya sa mga kabaranggayan sa onse ka mga lungsod.

Niadtong Mayo 21 atol sa pagsugod sa “Brigada Eskwela” gisugdan sad ni  Provincial Sports Development Coordinator Tyrone Uy ang pagpanghatag sa mga pintura, uban ang paint brushes ug paint rollers diha sa pampublikong mga tulunghaan sa onse ka mga lungsod nga maoy kabahin sa dakong kontribusyon sa probinsiya ngadto sa DepEd sa gihimong pagpangandam sa pagbukas sa klase sa pampublikong mga tulunghaan sa Hunyo 2012.

Ang gipanghatag nga mga pintura, paint brushes, ug paint rollers sa batan-ong Uy maoy kabahin sa dakong Budget nga gigahin ni Gov. Arturo “Chiongkee” Uy karong tuiga alang sa minor repair sa mga School Buildings ug School Facilities.