Comval magtukod sa pinakataas na Zipline sa Asia

DAVAO CITY May 22 (PIA) – Ang Provincial Government sa Compostela Valley ang maghimo sa usa ka 1.5 kilometro nga gitawag ug zipline diha sa Camp Manuel Yan sa Mawab.  

Ang maong P3-million nga proyekto kung mahuman kini mamahimong pinakataas nga zipline sa tibu-ok Asia, halayo sa 840 metros nga Dahilayan Zipline nga naa mahimutang sa Bukidnon.Matud pa ni Christine T. Dompor, Provincial Tourism Officer nga ang maong zipline ang magsugod didto sa hataas nga bahin sa Camp Manuel Yan ug magpa-ubos kini sa 1,500 ka metro hangtud ngadto sa Hijo River. Si Dompor nagkanayon nga ang mga pinasi-unang kalihukan ang gi pahimutang na u gang maong zipline gibana-banaang mahuman ulahi niining tuiga.

Ang maong zipline ang kauban sa mga kabag-uhan nga gipahumutang diha sa halapad nga 100 ektarya nga kampo sa armadong kasundaluhan nga gidiklara nga usa ka eco-tourism park. Gawas sa mga pasilidad sa maong kampo, ilang gilantaw usab karon ang pag panindot sa Hijo River aron nga makatabang sa atraksiyon sa turismo sa maong lugar.Usa ka Memorandumof Agreement ang karon gipirmahan sa maong Probinsya ug ang Philippine Army’s 10th Infantry Division aron sa pag palambo ug pa promotar sa maong military camp/eco-tourism nga parke.

Si Lt. Colonel Paniza, Commander of the 72nd Infantry Battalion, usa ka okupante nga unit sa maong kampo ang nagkanayon nga usa ka pinasahing pag amping ang gi-imposar aron sa pag preserba sa mga langub sa maong dapit, iyang gibutyag nga usa ka striktong military nga regulasyon ang gi-implementar ngadto sa mga personahe sa militar ang pag dili sa pagsulod sa maong mga langub kung walay ekasatong pagtugot gikan sa buhatan sa muinicipal tourism sa Mawab.

Ang mga bisita usab ang gikinahanglan nga magtanom ug mga simelya sa puno-an sa Lawaan usa sila paga tugutan sa pag bisita sa maong langub. Matud ni Paniza, ang militara ang determinadong ibalik sa kaniadto ang usa ka lasang nga puno sa mga puno-an sa Lawaan ang maong lugar saw ala pa pamutla aron himuon nga usa ka komunidad sa mga mag-uuma.

Usa ka parke sa mga punu-an, usa ka Indigenous People’s Village, 3-kilometer trikkeng trail, deer sanctuary, heroes park ang kauban sa mga pasilidad nga sa kasamtangang gimugna ug gipalambo sa mga military sa maong kampo kabahin kini sa tumong nga himu-ong usa ka eco-tourism park ang maong lugar.

Ang maong kampo nasilbi nga usa regional headquarters ug training camp sa mga New People’s Army sa tuing 1980 sa wala pa ang military manghingusog niadtong tuig 1986 ug gihimmongbase sa army brigade. Sa sayo niadtong tuig 2011, ang 10th Infantry Division ang nibalhin sa maong lugar gikan sa ilang orihinal nga kampo sa Camp Panacan sa Davao City. (PIA-11/Albert D. Cahilog)