Comval hingusgan ang Organic Farming

Aron mamahimong widely practiced sa tibuok probinsiya sa Compostela Valley ang Organic Agriculture, gimando karon ni Gov. Arturo “Chiongkee” Uy ang pagmugna ug usa ka balaodnon alang sa hugot ug lig-on nga pag-implementar sa R.A.10068 kon Organic Agriculture Act of the Philippines 2012.

Matud ni Executive Assistant Isabelo Melendres nga 100 % gyod ang suporta ni Gov. Uy sa bag-o naaprobahang Organic Agriculture Act sa nasud tungod kay   siya health conscious. Gani  gipatuman sa gobernador ang Meatless Monday nga mao ang pagdili sa tanang empleyado sa pagkaon ug karne matag Lunes ug ang Smoking Cessation nga diin, hingpit sad niya nga gidili ang pagpanabako sa tibuok Capitol Compound alang sa kaayohan sa panglawas sa mga katawhan.

Pinaagi sa Executive Order no. 010-2012, gimando ni Gov. Uy ang pagmugna ug balaodnon alang sa pagpromotar ug pag-adopt sa R.A. 10068 nga pagailhong Organic Agriculture Act of 2010 for Compostela Valley Province ug ang paggahin ug pundo alang sa maong tumong.

Kini maoy mamahimong giya kon gabayan  sa probinsiya sa himoong pagpatuman sa  Organic Agriculture diha sa mga kalungsuran, ug aron mamahimong dali ang paghikay sa larawng balaodnon gimando sad sa Gobernador ilalom sa iyang E.O. 010-2012 ang pagmugna  sa usa ka Executive Committee on Formulation, ug sa Technical Working Group (TWG) nga maoy gitahasan sa  mga mahinungdanong buluhaton sa paghikay nga naglangkob sa  paghimog research kon makuting pagtuon, ug sa pag-formulate sa Draft niini ilalom sa Supervision sa Executive Committee.

Si Gov. Uy maoy Chairman sa Executive Committee base sa gipagulang E.O. Samtang si Vice Gov. Ramil Gentugaya maoy natudlong Vice Chairman, ug mga miyembro sila SP Member Moran Takasan, SP Member Joselito Brillantes, Provincial Administrator Virgilia Allones, Executive Assistant Isabelo Melendres, PAGRO Chief Dr. Rolando Simene ug uban pa.

Pangulohan sad nila ni Assistant PAGRO Chief Manolo Serafin Cayme(chairman) ug Supervising Agriculturist MInda Agarano (vice chairman) ang TWG nga moy gitahasan nga mangamot sa research ug formulation ilalom sa supervision sa Executive Committee. (gilbert cabahug/ids comval)