P556 milyones na ang Members Capital Contribution (MCC) sa DANECO

Compostela Valley Province – Miabot na karon sa kapin P556 milyones pesos ang Members Capital Contribution (MCC) nga nahatag sa tanang mga miyembro konsumante sa DANECO, ug matud ni DANECO Board Engr. Abenir Labja nga kini maoy usa sa mga item sa billing sa kunsumo sa kuryente nga ilang gibayran  matag-bulan.

Angay unta nga madeklara nang capital share sa mga miyembro ang MCC, apan hangtud karon nagpabilin nga dakong tanghaga kon kinsay manag-iya niining kwartaha sa rason nga kini usa ka non-stock coop ug legal nga nag-operate tungod kay kini narehistro sa NEA  ilalom sa PD no.269 nga gipagula ni kanhi pangulong Ferdinand Marcos.

Matud usab ni DANECO Board Engr. Abenir Labja nga ang pagka-non stock coop niini maoy rason nga hangtud karon dili kini makahatag ug stock certificate ngadto sa mga miyembro konsumante bisan pa sa padayong pagpangoiekta niini sa Members Capital Contribution (MCC) ngadto sa mga miyembro nga gikarga diha sa billing sa kuryente matag bulan.

Gi-kwestion sa bag-ong set sa BOD ang pagkahimong non-stock coop sa DANECO sa rason nga dili matuhoan ang pagtawag niini nga usa ka non-stock coop tungod  sa Asset niini nga miabot na sa kapin P1.5 bilyones pesos base pa lang sa Audit Report niadtong Desyembre sa 2010 nga gipresentar panahon sa gihimong Gen.Assembly sulod mismo sa Trade Center sa Tagum City. Nasulod sa maong audit report ang MCC nga kapin sa P481 milyones.

Gipahibalo usab ni Labja nga ang DANECO Tresurer ngapahibalo na sad pinaagi sa gipgulang Treasurer’s Report nga sugod Enero hangtud Desyembre sa 2011 ang DANECO duna na say dugang collection sa MCC nga kapin sa P74 milyones pesos.

Sanglit ang MCC kwarta man sa mga miyembro konsumante angay gyod nga kini ideklara nga ilang capital stock. Apan bugtong paagi aron nga kini mahitabo mao ang himoong conversion sa DANECO ngadto sa pagkahimong usa ka regular nga stock cooperative ilalom sa CDA Registration. (gilbert cabahug/ids comval)