Comval: mas gipalig-un ang disaster preparedness and mitigation program

Gikan sa  mokabat 237 ka mga Brgy. sa 11 ka lungsod sa Compostela Valley duna gyo’y 140 nga namelegro kanunay sa mga pagbaha ug laing 124 nga namelegro sa landslides. Kini maoy nag-unang rason matud ni Gov. Uy nga ang probinsiya naninguha nga mapalig-on ug mapahugtan ang disaster preparedness and mitigation program pinaagi sa gipasar nga 2012 Provincial Disaster Risk Reduction and Management Plan kon PDRRM Plan 2012.

Pinaagi sa usa ka powerpoint presentation nga giandam ni PDRRMO Raul Villocino, gipakita sa gobernador atol sa bag-o nahumang 1st PDC Meeting niadtong Abril 27 diha sa kapitolyo ang gidaghanon sa natalang flood prone ug landslide prone barangays sa onse ka mga lungsod sa probinsiya. Nag-una sa talaan nga dunay labing daghan mao ang lungsod sa  Maco nga dunay 26 ka lanslide prone barangays ug 27 ka flood prone barangays.     

Mitambong sa bag-o nahumang PDC Meeting sila si Mayor Lorenzo Balbin sa New Bataan, si Mayor Jessie Bolo sa Compostela, si Vice Mayor Christopher Jovita sa Laak, ang mga representative sa Municipal Mayors sa ubang mga lungsod, si Mr. Salem Canda sa SPO, si DANECO Board Engr. Abenir Labja sa PASSO, ug ang mga staff sa PPDO sa pagpanguna nila ni PPDO Chief Romeo Celeste ug Asst. PPDO Chief Rey Pajarito.

Apil sa mga mahinungdanong gihisgotan niadtong adlawa mao ang pag-review ug pag-aprobar sa CY 2012 Provincial Disaster Risk Reduction and Manegement Plan sa Comval, ang pagtudlo sa NICO nga maoy mamahimong bag-ong NGO representative sa PDC-Comval, ug ang pag-aprobar sa usa ka resolution nga giduso sa LGU Monkayo pinaagi ni Monkayo MPDO Chief Mr. Geronimo “Utoy” Balana.

Pinaagi sa resolution nga giduso ni MPDO Chief Balana, gipangayo karon sa LGU Monkayo ngadto kang DENR Secretary Ramon Paje nga himoon sa DENR National Office ang pagtudlo sa Comval Provincial LGU aron maoy mo-perform sa gibiyaang revenue generation function sa National Rresources Development Corporation kon NRDC nga mao ang pagpangulekta sa 15% Share sa gobyerno sa kita sa Mining diha sa Mt. Diwata. (gilbert cabahug/ids comval)