Coop standards seminar gipahitabo

Freedom Merriam D. Bolipata

Davao del Norte, May 29, 2012–Usa ka Coop Standards Seminar Workshop ang gipangunahan sa Provincial Planning and Development Office nga gipahitabo sa sulod sa duha ka adlaw bag-uhay pa lang sa Capitol, Tagum City alang sa mga kooperatiba sa probinsya.

Si Rhoda Ruth M. Pillerin, Executive Director sa Model Coop Network, Davao City, ang naghatag kasayon sa maong seminar nga gitambongan sa 47 ka mga miyembro sa kooperatiba.

Gisud’ong sa seminar ang pag panagop sa COOP-PESOS nga pinasunod subay sa Memorandum Circular 2003-04 ubos sa RA 9520 nga naga hatagbili sa ilang kahimoan aron masiguro ang pagprotekta sa mga miyembro, kooperatiba ug ang pag sustenar sa operasyon sa mga koop.

Katuyuan sa COOP-PESOS kon Compliance, Organization, Operations & Governance, Plans/Programs and Performance-Portfolio Quality, Efficiency, Stability, Operations, Structure of Assets ang pagtabang sa mga kooperatiba isip supervisory, regulatory ug management tool.

Pinauyon sa programang pangkalambuan ni Gob. Rodolfo P. del Rosario na P.E.O.P.L.E., ang nahitabong seminar usa ka pamaagi sa paglanggikit sa public-private partnership uban ang mga lokal nga ganghaan ug ang ilang komyunidad.#