PH, nanguna sa mga nasud sa Asya sa pagbatok sa human trafficking

Nanguna ang Pilipinas sa mga nasud sa Asya sa pagbatok sa human trafficking.

Base kini sa 2014 Global Slavery Index Report sa Walk Free Foundation nga nipahigayon og pagtuon kalabot sa mga aksyon sa kapin sa 160 ka nasud batok sa human trafficking.

Ika-29 usab ang nasud kun itandi sa 166 pa ka nasud.

Nakuha sa Pilipinas ang taas nga government response rating nga BB, nagpasabot nga adunay dakung aksyon na ang gobyerno kalabot sa pagsulbad sa human trafficking sama sa "short term victim support services, a criminal justice framework that criminalizes some forms of modern slavery, a body to coordinate the response, and protections for those vulnerable to modern slavery."

Gikalipay kining maong kalambuan sa Inter-Agency Council Against Trafficking (IACAT) sa Pilipinas.

Matud pa ni Justice Secretary Leila De Lima, co-chairman sa IACAT, usa  kini ka tin-aw nga indikasyon nga naa sa saktong dalan ang Pilipinas kalabot sa pagsumpo sa human trafficking. (PIA VII webnews_112114)