LTFRB magpagula ug tamper-proof IDs sa mga taxi drivers isip pagpugong sa krimen nga lakang

Gipamalandongan sa buhatan sa Land Transportation Franchising and Regulatory Board (LTFRB) ang pagpang apod-apod ug gi ingong tamper-proof identification cards (IDs) sulod sa hamubong panahon ngadto sa kapin 54,000 ka mga otorisadong drayber sa taxi sa tibuok nasud.

Kini gi tumong aron ma sumpo ang mga malapasong drayber sa taxi kinsa kon dili gani bastos, magdumili sa pagpasakay ug pasahero o kaha kadtong mga sobrang maningil sa pasahero.

Gawas sa mga ingon aning klaseng mga drayber, ang bag-ong systema ang usab mo tabang sa pag ila sa mga taxi driver nga nalambigit sa krimen ug nambiktima sa mga pasahero.

Si LTFRB Chairman Winston Ginez nagkanayon nga nakabutang sa maong ID ang ngalan sa driver, hulagway ug ngalan sa kompanya.

Aduna usab kini naka printa nga bar code nga nagbaton sa track record sa driver, hain pwedeng ma suta pinaagi sa smartphones. (etf_DND112714)