Gipaabot nga mobarato na ang pletehan sa eroplano tungod sa
gitakdang pagtanggal sa fuel surcharge sa mga domestic ug international
flights.
Kini ang gikumpirmar ni Atty. Wyrlou Samodio, head sa legal
division sa Civil Aeronautics Board (CAB).
"Nakalabas na po 'yung desisyon two days ago so for
implementation na po 'yun. Hindi na sisingil ng fuel surcharge sa mga
airline," matud pa ni Samodio.
Giingong mahimo kining epektibo human ang 15 ka adlaw nga
pagpamantala nila sa resolusyon sa pahayagan kaniadtong, Enero 8.
Gipasabot sa CAB nga lahi pa ang fuel surcharge sa pletehan mao
nga panagsa, nagdala kini og pagkalibog sa ubang pasahero.
Giseguro usab sa ahensya nga mosunod ang mga airline companies
sa pagtanggal sa singil sa krudo nga ginabayran sa mga pasahero.
Pasabot pa ni Samodio, maong gitugtan nila ang pagpaningil sa
fuel surcharge kaniadto tungod sa pagbag-o bag-o sa presyo sa krudo.
Pahinomdom pa niini, dili na mahimong mag-refund og fuel
surcharge ang mga nakapalit na og ticket alang sa ilang flights. (PIA)
No comments:
Post a Comment