Ideological colonization, pinakadakung hulga sa pamilya

Gitumbok ni Pope Francis ang kamahinongdanon sa pamilya sa gipahigayon nga "Encounter with Filipino Families" sa Mall of Asia Arena sa syudad sa Pasay niadtong nakalabayng biyernes.

Sa iyang mensahe sa mga pamilya, miingon ang Santo Papa nga daghan na karon og hulga sa mga pamilya.

Giingong pinakadakung hulga niini ang ‘ideological colonization’ o ang pagbag-o sa idolohiya tungod sa nagkalain-laing impluwensiya ilabi na ning panahona.

Matud pa ni Pope Francis, angay hibaw-an sa pamilya ang mga hulga sa ilang panag-uban.

Giingong bisan adunay ideological colonization, dili angay mawad-an og kagawasan ang mga pamilya nga mohimo og lakang batok niini.

Matud pa nga angay magbinantayon ug lig-on ang matag pamilya.  

Dugang pa ni Pope Francis, angay makat-on ang mga pamilya nga mo ingon og oo ug dili kun adunay hulga sa ilang panag-uban. (PIA)