Daghan pa gihapong mga Pilipino ang ga-antos sa lungag sa ngipon ug sakit
sa lagos sumala sa gibutyag sa Department of Health (DOH). Base sa
tuig 2011 nga datos gikan sa National Monitoring and Evaluation Dental (NMED)
Survey, 87 porsyento sa mga Pilipino ang adunay lungag ug 48 porsyento ang
nag-antos sa sakit sa lagos.
Sumala pa sa DOH, makapaluya sa depensa sa lawas ang dautang epekto sa lungag
ug sakit sa lagos. Nagsilbi usab kini nga sinugdanan sa mas seryosong
sakit ug impeksyon. Lakip na niini ang sakit sa kasingkasing nga maoy hinungdan
unya sa kamatayon.
Aron
mahatagan ug dakong pagtagad ang pagsulbad sa sakit sa ngipon ug lagos,
gideklara sa gobyerno ang buwan sa Pebrero isip “National Dental Health Month”
pinaagi sa Proclamation No. 559. (PIA/OMG/jmda)
No comments:
Post a Comment