Palasyo mipasalamat sa katawhan sa malampusong pagbisita ni Pope Francis

Mipahayag ang Palasyo sa tumang pagpasalamat ngadto sa katawhan Filipino gumikan sa kalampusan sa lima ka adlaw nga pagbisita ni Pope Francis sa nasud isip pangulo sa nasud sa Vatican, ingon man, isip pangulo sa Simbahang Katoliko.  

"Nagpasalamat kami sa katawhan sa ilang kooperasyon sa seguridad sa Santo Papa, gikan sa libu-libong mga tawo nga nagpa-ilub paglinya sa rota sa iyang motorkada,” si Presidential Spokesperson Edwin Lacierda, miingon.

Lakip sa gipasalamatan ni Lacierda ang mga organisasyon nga nagdasig sa katawhan nga motabang pagbantay sa kahusay ug kalinaw sa mga lugar ug okasyon nga gitambongan sa Santo Papa, ingon man, sa milyon-milyong Filipino nga mitambng sa mga kalihokan sa Santo Papa kaniadtong Lunes, Enero 19.

Gipasalamatan usab ni Lacierda ang media sa ilang paghatag mga taho ug ubang mahinungdanong impormasyon ngadto sa katawhan ug mga companiya sa telecommunication sa ilang tabang sa pagseguro sa kaluwasan sa tanan. (PIA)