Multi-purpose Day Care Center Bldg. nga gidonar sa Angelo King Foundation human na

Compostela Valley Province – Pipila ka adlaw lang human sa pagtukod giturn-over na ang usa ka nindot ug pulido pagkabuhat nga Multipurpose ug Day Care Center Building nga gidonar sa Angelo King Foundation diha sa SOP USWAG GK Village sa Brgy. Osmeña, Compostela.

Ang Turnover Ceremony nahitabo niadtong Disyembre 18,2014 sa hapon ug maoy kauban sa mga kadagkoan sa Angelo King Foundation sila GK Mindanao Head Mr. Rene Reita ug Vice Gov. Manuel “Way Kurat” Zamora nga maoy nagrepresentar kang Gov. Arturo “Chiongkee” Uy sa pagtunol niini ngadto sa Kapit-Bahayan kon GK Homeowners sa SOP USWAG GK Village.

Kauban sad nila sa pagtunol niini si Mayor Lema Bolo, ug sila SP Members Neri Barte ug Joseph Jaoud nga una nang nakauban ni Vice Gov. YK nianang pagkabuntag niadtong adlawa sa pagtunol sa 8 Clasroom Buildings nga gidonar sa AY Foundation ngadto sa pampublikong mga eskwelahan sa Compostela.

Matud ni PGSO Chief Arceli Timogtimog nga natukoran niining mga eskwelahana ang Corazon Aquino High School sa Brgy. Osmeña - 2 Classrooms; ug  sa laing unom ang upat ka pampublikong mga eskwelahan sa Brgy. Ngan, Compostela nga mao ang TH Valderama E.S.-2 Classrooms, ang Bongkilaton E.S.-1Classroom, ang Consuelo Valderama H.S.-2 Classrooms, ug ang Bango E.S.-1 Classroom.

Ang AY Foundation nga usa ka non-profit ug non-stock organization sa Yuchenco Group of Companies nga  tag-iya sad sa Rizal Commercial Banking Corporation (RCBC), maoy usa sa mga labing mahinungdanong local partners sa Comval Province nga nakatabang ug dako sa gihimong mga paningkamot sa Rebuilding and Recovery nga gihingusgan sa liderato sa probinsiya sa pagpanguna nila ni Gov. Uy, Vice Gov.YK, ug Senior Board Member Tyron Uy. (gilbert cabahug/ids comval)