Gov. Uy gipasalamatan ang Comval Capitol Employees tungod sa hugtanong suporta kaniya

Compostela Valley Province – Tungod sa hugtanong suporta sa iyang administrasyon nga nadayang sa maayo nilang performance subling gipasalamatan ni Gov. Arturo “Chiongkee” Uy ang mga empleyado sa kapitolyo nga maoy iyang implementing arms diha sa serbisyo publiko.

Matud pa niya nga ang ilang loyalty kaniya napamatud-an diha sa ilang maayong performance and industry nga takos sa mga pagdayeg ug pasalamat  tungod   dako kini’g nahimo sa malahutayong paglambo sa maayong kahimtang ug pamuyo sa mga katawhan nga iyang giserbisyohan  sulod na sa pipila ka tuig niyang pag-alagad isip Gobernador sa Comval Province.

Gisulti kini sa Gobernador niadtong Desyembre 12,2015 panahon sa  Regular Employees Convocation Program nga gihimo sa ikaduhang higayon alang sa 2015, ug matud pa niya nga iyang gikalipay ug dako ang ilang pagduyog sa iyang mga paningkamot nga mahatag sa mga katawhan ang pinakamaayong serbisyo nga ilang gikinahanglan.

Sa maong pakigpulong subli niyang gipangayo ang maong suporta ug matud pa niya nga kini mas palig-onon ug mas palapdan pa aron sulod sa usa ka tuig ug tunga nga nahibilin sa iyang ikatulong termino mas masinatian sa mga katawhan ang pinakamaayong serbisyo nga ikahatag kanila sa kagamhanang lokal sa probinsiya sa Compostela Valley. (gilbert cabahug/ids comval)