Mga lider sa Simbahang Katoliko, gipahinumdoman ni Pope Francis

Gipahinumdom ni Pope Francis sa mga lider sa Simbahang Katoliko ilabi na ang mga obispo, pari, madre ug mga religious leaders ang kamahinungdanon sa ilang papel sa katilingban.

Sa iyang wali sa gipahigayong Santos nga Misa ngadto sa Manila Cathedral, gitumbok sa Santo Papa nga angay nga dawaton sa tanan ang mga sayop ug sala.

Gibalik-balik og hisgot sa Santo Papa ang pulong nga "constant conversion" sa mga tigpaabot og mensahe sa Ginoong Hesukristo.

Gipahinumdoman usab ni Pope Francis ang mga lider sa Simbahang Katoliko nga isalikway ang pagka-materyalismo ug mahimo na lang nga repleksiyon sa buhat sa Diyos.

Giingong angay makita ug mabati usab sa mga lider ang mga katawhang naglisod sa kinabuhi.

Gihagit usab sa Santo Papa ang mga relihiyoso, mga batang mga pari ug seminarista nga mahimong inspirasyon ug paglaum sa mga kabataan.

Samtang gidayeg ni Pope Francis ang kamahinongdanon sa papel sa mga Filipino sa pagpakatap sa mensahe sa Diyos. (PIA)