Misadsad sa tumoy sa runway sa Tacloban Airport ang usa ka
private plane sakay ang pipila ka opisyal sa gobyerno.
Apan naa sa luwas nga kahimtang ang 11 ka opisyal sa gobyerno sa
nasud human misadsad ang gisakyan nilang private plane.
Nahitabo ang insidente taliwala sa di maayong panahon sa
Tacloban diin padung na unta mobalik na ang maong abyon sa kaulohan human
gimub-an ang mga akitbidad didto ni Pope Francis tungod sa bagyong Amang.
Apil sa mga sakay sa maong abyon sila Executive Secretary
Paquito ‘Jojo’ Ochoa, Presidential Communications Operations Office (PCOO) Sec.
Herminio ‘Sonny’ Coloma, ex-Armed Forces of the Philippines Chief Emmanuel
Bautista ug Undersecretary Felizardo Serapio.
May walo pa ka staff members ug tulo ka crew members nga lulan
sa maong abyon.
Sa gipagawas nga statement, nalipay si Presidente Benigno
‘Noynoy’ Aquino III nga luwas ang mga sakay sa maong abyon.
Gimando na niini sa Civil Aviation Authority of the Philippines
(CAAP) nga imbestigahan ang maong panghitabo. (PIA)
No comments:
Post a Comment