‘Super typhoon’ category, gamiton na sa PAGASA

Sugod karong tuiga, opisyal nang sugdan sa paggamit ang  kategoryang “Super typhoon” sa Philippine Atmospheric, Geophysical and Astronomical Servi­ces Administration (PAGASA) sa pagtumbok sa kategorya sa bagyo.

Matud pa ni PAGASA forecaster Alvin Pura, gigamit lamang kaniadto ang kategoryang super typhoon sa pag-igo sa nasud sa bagyong Yolanda.

“‘Yung malalakas na typhoon like itong si Yolanda usually nagbabase tayo sa ibang met (meteorological) agency na gumagamit ng super typhoon category,” matud pa ni Pura.

Giingong ang super typhoon maoy category 5 nga bagyo sa Amerika ug Australia.

Matud pa sa PAGASA, kun moigo na sa 220 kilometro matag oras (kph) ug kapin pa ang kakusog sa hangin duol sa tunga sa usa  ka bagyo, masulod na kini sa kategoryang "super typhoon."

Giingong sukad matukod ang PAGASA, category 4 lamang ang gamit niini sa pagtumbok sa bagyo nga maoy gikonsiderar nga pinakakusog nga bagyo. (PIA)

Busa iyang gi-awhag kadtong mo-apil sa mga kalihokan sa Luneta ug sa Tacloban sa pagsunod sa mga instruksiyon sa mga marshal, usher, enforcer ug kapulisan. (PIA)