Monday, July 8, 2013

Vice Gov. Way Kurat mo-complement sa mga programa ni Gov. Uy

by Gilbert M. Cabahug

COMPOSTELA VALLEY PROVINCE-----Sama kang former Vice Governor Ramil Gentugaya hugot sad karon nga mosuporta  si Vice Gov. Elect Manuel “Way Kurat” Zamora sa administrasyon ni Gov. Arturo “Chiongkee” Uy pinaagi sa legislation nga mo-complement sa mga programang pangkalambuan sa gobernador.

Sa iyang pag-apil sa bag-o nahumang Press Conference diha sa Nabunturan National Comprehensive High School Gymnasium niadtong Hunyo 29, maoy sulti ni Vice Gov. Elect Way Kurat nga sa kanunay motabang gayud siya nga mahimong paspas ang service delivery nga itunol sa probinsiya ngadto sa mga katawhan, ug sama sa nahauna kaniya makalaom gihapon ang mga katawhan nga magpadayon ang bag-ong Sanggunian paghatag ug prayoridad sa ilang legislation niadtong urgent needs sa probinsiya nga nagkinahanglan ug dinaliang pagtagad sa ComVal SP.

Samtang, isip maoy bag-ong bise gobernador iyang giklaro usab nga panahon sa iyang pagdumala sa ilang session, ang iyang trabaho mao nga sama lang siya sa usa ka referee ug facilitator nga maghatag ug patas nga pagsabot sa gawasnong mga ideya ug panghuna-huna sa matag Board Member.

Kahibaloan nga niadtong Hunyo 29 pormal nga nanumpa aron pagtuman sa ilang tahas ug mga buluhaton ngadto kang Judge Divina T. Samson ang tanang Provincial ug Congressional Officials sa Compostela Valley nga midaug sa milabay’ng Mayo 13, 2013 nga piniliay.  Apan sa wala pa ang Oath-Taking Ceremony adunay gihimong presss conference nga diin usa gayud si Vice Governor Zamora sa mga nanubag sa mga pangutana gikan sa media.  Iyang kauban niini sila si Gov. Uy ug ang iyang anak nga si Congw. Maricar Zamora.  (Gilbert M. Cabahug, ids-comval)

No comments:

Post a Comment