Mark Anthony Gellor/Erwin Cubio – CIO Panabo
Panabo City, Davao del Norte - Laing tuig na sab sa pagpasalamat ug pagpa-ambit sa nadawat nga grasya sa Barangay Malativas ug Southern Davao atol sa ilang Foundation Day kaniadtong July 25, 2013.
Gisaulog sa barangays Malativas ang ika-20th Founding Anniversary ug ika-64th sa Barangay Southern Davao ug kini giduyugan sa nagkadaiyang kalihukan ug aktibidades nga giandam sa barangay council.
Sa barangay Malativas gisugdan ang kalihukan sa barangay pinaagi sa Trade Fair nga nag-promotar sa nagkadaiyang produktong agrikultura sa barangay.
"Mas bibo ang atong celebration karon. Mas naka-andam kita og mga activities nga makalingaw sa katawhan, duna tay gidugang ug kini ang pagpartner nato sa GMA Kapuso Network" matud ni Barangay Kapitan Samuel Dacalus.
Dugang pa ni Brgy. Kapt. Dacalus nga gina awhag ang mga taga Barangay Malativas nga naay mga produkto nga mo-display sa ilang products aron matabangan nga ma-market kini. Naay mga organic vegetables sama sa talong, upo, ampalaya ug uban pa.
Kabahin sab sa aktibidad sa barangay ang Basketball GMA Kapuso tali sa Brgy. Malitavas Council, indigay sa pagkanta, Brgy. Talent Showdown ug daghan pa.
Sa pikas bahin, ang Barangay Southern Davao wala nagpalupig sa mga gilatad nga mga aktibidades. Luyo niini gikalipay sab ni kapitan Jose Resurrection ang kalampusan sa Fun Run ug ball games mga aktibidades nga ang tumong sa pagpalapad pa sa kampanya sa pagpaugnat sa kusog.
Matud pa ni Kapitan Resurrection nagpahigayon usab ang Public Employment and Services Office ug Job Matching sa mga tao nga interisado maka kita ug trabaho hango sa ilang kwalipikasyon.
Pagkagabii pahitaboon ang macho gay contest, amateur contest ug cultural night dugang kalingawan sa taga Barangay Southern Davao.
No comments:
Post a Comment