by Grace Almedilla
COMPOSTELA VALLEY PROVINCE (July 5)-----Kasamtangang gipahigayon karon sa probinsya sa pagpanguna ni Governor Arturo T. Uy ang Kalinga sa Kabataan, Bayanihan sa Paaralan nga programa.
Gisugdan niadtong Hunyo 27, 2013 ug padayon pa hangtud karong bulan sa Hulyo ang paghimo ug dugang mga classroom-buildings ngadto sa mga eskwelahan nga gi-identify sa provincial government ug sa Department of Education (DepEd) nga labing nagkinahanglan niini.
Adunay siyam (9) ka classrooms ang gisugdan pagtukod sa mga volunteer-builders gikan sa community nga naglangkob sa mga magtutudlo, ginikanan, estudyante, empleyado sa probinsya ug mga LGUs lakip ang mga Barangay officials, individual partners, uban pang mga ahensya, ug ang tanang nisuporta sa maong programa.
Ang school build kasamtangang gipahigayon karon sa San Juan Elementary School ug sa Pangi Elementary School sa Maco nga diin tag-1 unit 2-classroom building ang matag eskwelahan. Laing tag-1 unit 2-classroom building usab ang Inupawan, Panag Elementary Schools sa New Bataan ug sa Bango Elementary School sa Compostela, ug 1 unit- 1 classroom building usab sa Mamunga
Elementary School sa Monkayo.
Gipadala ni Governor Uy ang matag-departamento sa probinsya aron moangkon ug school site nga diin maoy ilang pagatutukan ug tabangan sa pag-build. (grace almedilla, ids-comval)
No comments:
Post a Comment