by Gilbert M. Cabahug
COMPOSTELA VALLEY PROVINCE-----Sa Gihimong Oath Taking Ceremony niadtong Hunyo 29, 2013, ang mga midaug nga Provincial ug Congressional Officials didto nanumpa kang Judge Divina T. Samson. Apan sa iyang bahin, diha kang Governor Arturo “Chiongkee” Uy naghural si Hon. Augusto Blanco, Jr. isip IP Sectoral Representative sa probinsya.
Ang paghural iyang gihimo niadtong adlawa human sa malampusong pagpanumpa sa midaug nga Team ComVal Provincial ug Congressional Officials nga sila si Governor Arturo “Chiongkee” Uy, Vice Governor-Elect Manuel “Way Kurat” Zamora, 1st District Congresswoman Maria Carmen Zamora, ug 2nd District Congressman Rommel “Bobong” Amatong.
Nanumpa usab niadtong adlawa aron pagtuman sa ilang tahas ug mga buluhaton ang midaug nga Sangguniang Panlalawigan Members nga sila SP Members Tyron Uy, Atty. Ruwel Peter Gonzaga, Cesar Richa, Moran Takasan, Macario Humol, Ramil L. Gentugaya, Paul Galicia, Atty. Arvin Dexter Lopoz, ug Joseph Jaoud sa Montevista.
Kahibaloan nga sa milabay’ng Mayo 13, 2013 nga piniliay, ang Team ComVal mitala ug 100% nga kadaugan sa Provincial ug Congressional positions. Tungod niini malaumon karon si Governor Uy nga mas dali ug paspas ang gitinguhang rebuilding ug recovery sa Comval tungod misaad usab ang tanang SP Member nga mosuporta kaniya pinaagi sa pagpasar ug mga balaodnon nga mo-complement sa iyang mga programang pangkalambuan sa ComVal. (gilbert m. cabahug, ids-comval)
No comments:
Post a Comment