Wednesday, October 21, 2015

Laing 24.45 KM Road Concreting Projects sa Comval trabahoon na



Compostela Valley Province---Pipila ka mga adlaw na lang ang paaboton ug pagasugdan na ang pagtrabaho sa laing  lima ka mga proyektong Road Concreting nga gibubo sa Comval ni Pangulong Benigno S. Aquino-III pinaagi sa Department of Agriculture ilalom sa “Philippine Rural Development Program (PRDP).”
 Pinakadako niining mga proyektoha ang naaprobahang Concreting sa “Pangutosan, Nabunturan-New Alegria, Compostela Farm to Market Road(FMR)” nga nagkantidad og P109,577,000.00 sa gilay-ong 11.740 ka kilometro nga maoy unahon pagtrabaho.

Naa sa kapin kon kulang 24.45 ka kilometro ang kinatibuk-ang gilay-on sa   lima ka mga proyekto nga gitawag og “PRDP Sub Projects” nga gibanabang mahuman pinaagi sa dul-an P211 Milyones nga gihatag sa Comval ni Pangulong Aquino  pinaagi sa Department of Agriculture (DA) alang sa tuig 2015 nga kabahin sa mas gipakusog nga Rebuilding and Recovery nga hugtanong gipatuman sa liderato sa probinsiya sa pagpanguna nila ni Gov. Arturo “Chiongkee” Uy, Vice Gov. Manuel “Way Kurat” Zamora, Senior Board Member Tyron Uy, ug SP Members.

Apil sa mga Road Sections nga pagasementuhon karong tuiga ang 5.10564 KM nga “Nuevo Iloco Farm to Market Road(FMR)” sa Mawab, ang 1.54 KM nga “Poblacion-Magkagong FMR” sa Maragusan, ang 1.565 KM nga “Napnapan Proper-Binugsayan FMR” sa Pantukan, ug laing 2.536 KM nga “Junction National Highway Quirino-Upper Pangasinan” sa Pantukan gihapon.

Sa pagsalmot sa probinsiya sa kanhi Mindanao Rural Development Program (MRDP) nga karon mao na ang mas gipalapad nga Philippine Rural Development Program(PRDP) sa palasyo ang Comval Province misumiter sa onse ka proposed PRDP I BUILD Sub-Projects, ug lima gyod ang naaprobahan dayon sa palasyo alang sa 2015 lang. (gilbert cabahug/ids comval)

No comments:

Post a Comment