Comval SP giaprobahan ang appointment ni Bermejo sa Human Resource Office

Compostela Valley Province - Aprobado na  sa Comval SP ang Appointment ni  Gov. Arturo “Chiongkee” Uy kang Lara Zaphire Kristy N. Bermejo aron hingpit na niyang dumalahon ang Provincial Human Resource Management and Development Office (PHRMO) nga bag-o lang nahimong departmento sa PLGU Comval nga kanhi usa sa pinakadakong division sa opisina sa gobernador (PGO).

Kini human giuyonan sa halos tanang mga SP Members nga nakatambong atol sa ilang 105^th Regular Session diha sa kapitolyo niadtong Oktobre 14,2015 ang Resolution for the  Concurrence sa iyang appointment nga giduso nila SP Members Augusto Blanco Jr., Ramil Gentugaya, Randy Opisan, ug Senior Board Member Tyron Uy nga maoy Presiding Protempore ug kauban ni Vice Gov. Manuel “Way Kurat” Zamora nga nagdumala sa ilang session niadtong adlawa.

Sa pagpangayog suporta ngadto sa tanang SP Members nga nakatambong alang sa daling pag-aproba sa Appointment ni Bermejo, gipahibalo ni SP Member Randy Opisan nga tungod iyang kababata ug klasmeyt pa gyod siya nasuheto sa katakos ug maayong kinaiya ni Bermejo ug garbo gyod matud pa sa mga taga-Mabini kon siya maoy mamahimong PG Department Head sa bag-o namugnang Human Resource Management and Development Office(PHRMDO) sa Comval Province. (gilbert cabahug/ids comval)