COMELEC: 3 lang ka dinapit sa matag kandidato sa nasudnong pwesto ang tugotan sa COC filing

Tugotan sa Commission on Elections (COMELEC) ang mga politikong nagtinguha ug mga national positions nga magdala ug dili mo sobra sa tulo ka mga dinapit kon magpasaka kini sila sa ilang certificates of candidacy (COCs)  sunod semana.

Ang bag-ong mando ang gi anunsyo ni COMELEC Chairman Andres Bautista kini may kalabutan sa panahon sa pagpasaka sa mga COCs nga nakatakda karong Oktobre 12 hangtud 16.

Ang COMELEC nagdahum nga magdala gyud ang mga politko ug ilang mga supporters kung kini mag file sa ilang COCs ngadto sa buhatan sa COMELEC.

Pero, walay ipahamtang nga silot sa mga politikong magdala ug sobra sa tulo ka dinapit, sumala sa chairman. (etf/PIA)
 Kongreso masaligong mapasa ang 2016 budget bago mag reses

Masaligon ang liderato sa ubos balay balauranan nga ang gilaraw nga P3-trillion national budget para sa tuig 2016 ang ma aprubahan sa ika tulo ug kataposang pagbasa karong semanaha bago mag reses ang kongreso.

Ang maong balaodnon ang kasamtangang nakalabang sa ika duhang pagbasa ug ang sesyon sa ubos balay balauranan ang mag pahulay ug tulo ka semana sugod sa Oktobre 10, Sabado aron hatagan ug panahon ang pagpasaka ug certificate of candidacy sa mga politico nga nakatakda karong Oktobre 12 hangtud 16.

Sa sayo pa, ang liderato sa kongreso ang mi hangyo kay presidente Benigno Aquino III nga sertipikahan ang maong balaodnon isip usa ka hinanali o urgent bill aron kini ma aprubahan dayon karong adlawng biyernes.(etf/PIA)