DA Sec. Alcala bisitahon ang “Hybrid Rice Derby Area” sa Compostela

Compostela Valley Province–-- Gitakdang bisitahon mismo ni DA Secretary Proceso J. Alcala ang Hybrid Rice Derby Area diha sa Brgy. Lagab, Compostela, Comval Province nga mahitabo panahon sa iyang pagtambong sa “1^st Provincial Rice Congress” sa Comval Province nga dumalahon sa probinsiya sulod sa Compostela Municipal Gym karong Oktobre 23,2015.

Ubos sa temang “Accelerating the Adoption of High Value Yielding Rice Varieties in Compostela Valley-A Road to Rice Competitiveness and Self Sufficiency”, magtapok ang mokabat 500 ka mga Rice Farmers sa probinsiya aron hisgotan ang mga maayong himoon aron labi pang modaghan ang ilang ani pinaagi sa pagtanom sa mga Hybrid Rice nga nasayrang adunay taas nga abot human ang malampusong “Hybrid Rice Technology Demonstration” nga mao ang pagpili sa recommended varietries nga nasyrang taas og abot human ang pipila ka bulang Varietal Trials sa mga semilyang girekomendar sa mga iladong seed companies.

Una niini ang usa ka “Hybrid Rice Technology Demonstration” nga gisugdan pinaagi sa gihimong “ Kapehan sa Uma: Hybrid Rice Derby Launching” diha sa Brgy. Lagab, Compostela diin mismo si Senior Board Member Tyron Uy maoy nangulo pagtanom sa mga semilya sa humay kauban sila Mayor Lema Bolo, Region XI Rice Focal Alejandro Yadao, PAGRO Chief Dr. Rolando Simene, ug MAGRO Teudolfo Lora.

Nahitabo kini niadtong Hulyo 29,2015 sa buntag kauban ang mga Rice Farmers nga sila Fructuso Jumalon, Apolonio Obeja, ug Nelson Sebastian nga boluntaryong nagpagamit sa tag 2,500 metro-quadradong luna sa ilang basakan aron himoong technology demonstration farm sa matag variety sa Hybrid Rice nga gisulayan pagpatubo.

Mitambong sad ang mga dagkong opisyal sa PhilRice Agusan ug sa mga iladong Seed Companies nga mao ang SYNGENTA, ang SL Agritech Corporation, ang Bayer Crop Science, ang Pioneer Hybreed Philippines, ug Jardine Distribution nga maoy naghatag sa libreng semilya sa lain-laing variety sa gisulayan ug pagasulayang Hybrid Rice.

Gitumong niini ang pagdasig sa mga mangunguma pagtanom sa Hybrid Rice alang sa mas dakong ani ug kita, ug sa gitinguhang dakong contribution sa Rice Sufficiency Program sa nasud nga kabahin sa Rebuilding and Recovery nga gihingusgan sa lideratro sa probinsiya sa pagpanguna nila ni Gov. Arturo “Chiongkee” Uy, Vice Gov. Manuel “Way Kurat” Zamora, Senior Board Member Tyron Uy, ug SP Members. (Gilbert Cabahug/IDS Comval)