Padayon ang pakig konsulta ni presidente Benigno Aquino III ug
pakigtagbo diha sa mga lideres sa senado ug kongreso may kalabotan sa
Bangsamoro Basic Law (BBL), kini sumala sa malakanyang.
“Sa pagkabalo nato padayon ang iyang pakig konsulta ug pakig tagbo sa
mga lider sa Kongreso apil na ang mga lider sa senado,” kini maoy tubag
ni Communications Secretary Sonny Coloma human gipangutana kung ang
presidente ba makig tagbo sa mga senador aron mapadali ang pagpasa sa
BBL.
Matod ni Coloma nga gihatagan ni Presidente Aquino ug dakong pagtagad
ang BBL, hain nagrepresentar sa kasabutang pangkalinaw nga gilagdaan
tali sa nasudnong panggobyerno ug sa Moro Islamic Liberation Front
niadtong Marso 2014. (etf/PIA)
No comments:
Post a Comment