DSWD USec Medel: Comval Province nakatindog na

Compostela Valley Province – Nakatindog na karon ang Comval Province gikan sa pagkalusno tungod sa grabeng kadaot human nga kini naigo sa grabeng pagkuso-kuso sa milabayng bagyong Pablo, ug matud ni DSWD Under Secretary Angelita G. Medel nga kulang na lang niini ang pag-Shine nga makab-ot pinaagi sa padayong pagtinabangay sa mga Public Servants, Duty Bearers, National nga Gobyerno, ug sa mga katawhang Comvaleño.

Si USec Medel maoy mihatag sa mensahe ni DSWD Secretary Dinky Soliman ngadto sa liboang Brgy. Health Workers (BHW), Brgy. Nutrition Scholars, Day Care Workers ug sa uban pang mga Brgy.Functionaries nga nagtapok diha sa Comval Capitol Ground atol sa Social Services Day nga gisaulog usab sa probinsiya niadtong Marso 5,2015 atol sa usa ka semanang selebrasyon sa 8^thBulawan Festival ug 17^th Founding Anniversary sa Compostela Valley .

Kabahin sa usa ka adlawng selebrasyon sa Social Services Day ang pagtunol nila ni Gov. Arturo “Chiongkee” Uy  ug DSWD USec Medel sa “Certificate of Occupancy”  alang sa bag-o nahumang Onsite Shelters ngadto sa Typhoon Pablo Survivors diha sa mga lungsod sa Laak, Montevista, Monkayo, New Bataan, ug Compostela.

Ilang kauban pagtunol sa Certificate of Occupancy sila Vice Gov.Manuel “Way Kurat Zamora; Senior Board Member Tyron Uy; Cong. Maricar Zamora; Mayor Lema Bolo sa Compostela, Mayor Eutropio Jayectin sa Montevista; ug SP Members Raul Timogtimog, Ramil Gentugaya, Atty. Ruwell Peter Gonzaga, Randy Opisan, Macario Humol, ug Joseph Jaoud.

Si Children, Women, and Family Chair SP Member Joseph Jaoud sa Comval SP maoy nagpaila sa Keynote Speaker nga si DSWD Usec Medel ngadto sa liboang Brgy. Functionaries ug mga bisita nga mitambong sa usa ka adlawng selebrasyon sa Social Services Day sa Comval. (gilbert cabahug/ids comval)