TRO gikan korte suprema sa kontrata sa PCOS mamahimong maka diskaril sa preparasyon sa 2016 elections

Samtang gi dawat sa Commission on Elections (COMELEC) ang gipaguwa sa korte suprema nga temporary restraining order  o TRO isip usa ka higayon aron mapasabot  ang kontrata niini sa Smartmatic-TIM, nagpahimangno ang maong buhatan nga kini magpadugay sa buhatong preparasyon  sa 82,000 ka PCOS machines alang sa 2016 automated elections.

Si COMELEC spokesman James Jimenez nagbutyag nga adunay silay ipahigayong emergency meeting karong adlawa (Marso 25) aron sa pag paguwa ug mga estratehiya ug mga bag-ong plano isip pag pangandam sa 2016 elections ug sa mamahimong epekto sa TRO, kalabot na niini ang pag balik sa mano-mano nga pag ihap sa balota.

Gi botohan sa korte suprema 12-2 niadtong adlawng martes sa pagmando sa implementasyon sa P268.8-million extended warranty contract nga gihatag ngadto sa Smartmatic-TIM epektibo sa pinaka daling panahon.

Ang maong kontrata ang gi tuyo alang sa diagnostics, repair ug refurbishment sa mga PCOS machines nga paga gamiton sa 2016 elections. (etf)