Malakanyang mipasalig nga magpadayon ang pagsumpo sa kapobrehon ingon sa 7 sa 10 ka Pinoy giisip ang kaugalingon nga pobre sumala sa survey

Gipasalig sa malakanyang nga dili hunungan sa gobyerno ang pag sumpo sa kapobrehon dinhi sa nasud samtang gi sulti niini nga kini nanginahanglan ug igong panahon.

“Ang atong gobyerno ang nagpadayon ug magpadayon pa sa pag batok sa kapobrehon kini makita diha sa mga poverty alleviation intervention programs nga mga gipatuman,” Kini matod ni  Presidential spokesman Edwin Lacierda human sa gipaguwang resulta sa survey sa IBON Foundation nga nagpakita nga pito sa napulo ka mga Pilipino ang giisip ang kaugalingon nga pobre.

Ang maong survey nga gipahigayon niadtong Enero 19 hangtud sa 30 nagpakita nga 65 porsyento sa 1,501 ka mga respondents gikan sa nagkadaiyang sector sa 16 ka rehiyon ang nag ingon nga pobre sila ug nalisdan kini sa pagpangita ug kwarta alang sa ilang pang adlaw-adlaw nga gastuhon.

Kapin tunga sa mga respondents (59%) ang usab nagtuo nga ang ilang panginabuhian ang wala mi usbaw ikumpara sa nakalabay nga tuig samtang 21% ang nag ingon nga ang ilang panginabuhian misamot kapait. (etf/PIA)