P48.8M nga donasyon alang sa mga biktima sa Yolanda nakaplagan sa COA nga gitipigan lang sa bangko

Kapin sa 48.8 milyones pesos nga gikan sa langyaw ug local nga donasyon para unta sa mga biktima sa Super Typhoon Yolanda ang nadiskobrehan sa Commission on Audit (COA) nga gitipigan sa bangko sa buhatan sa  Office of Civil Defense (OCD) imbes nga itabang ngadto sa mga apektadong residente.

Gipakita sa maong taho sa COA nga ang maong kantidad ang nakaplagang nakadeposito sa bangko kaniadto pang Dec. 31, 2013 ug nagpabilin kini diha sa bangko niadtong Hunyo 2014 base sa pinaka ulahing taho sa COA.

Gi butyag sa COA nga dapat gigamit sa OCD ang maong salapi aron hinanaling matabangan ang mga nabiktima sa bagyo, ingon sa mao kini ang katoyoan sa maong donasyon. (etf/PIA)