Gov. Uy dumalahon gihapon ang BSP Comval Council

COMPOSTELA VALLEY PROVINCE, March 25– Padayon gihapon nga dumalahon ni Gov. Arturo “Chiongkee” Uy ang Boy Scout of the Philippines (BSP) Comval Council. Kini human sa subling pagpili kaniya nga Chairman sa BSP Comval Council Executive Committee Board niadtong Marso 20, 2015 atol sa  9^th Annual Local Council Meeting sa BSP Comval Council nga malampusong gihimo diha sa Comval Capitol Employees Canteen Building.

Napiling Council Officers sa 2015-2016 Executive Committee Board sila Gov. Uy nga maoy Chairman, Senior Board Member Tyron Uy–1^st Vice Chairman, Asst. Prov’l Administrator Fernando Juab-2^nd Vice Chairman, PTO Chief Carmen Razul–Treasurer, Rudy Ang–Auditor, Executive Assistant Isabelo L. Melendres–Assistant Auditor, ug Roland Gilbert G. Javines –Council Scout Executive (CSE)/Secretary.

Ang bag-o napiling Sectoral Representatives mao na sila Pastor Jolly V. Furio sa Religious, Editha T. Jao sa Edukasyon, Rolando Plaza sa Labor, Jerry Lumanao sa Business, Mayor Eutropio Jayectin sa LGU, Bryan C. Patalinghug sa Civic, Joel Jumalon sa Professional, Divina Dicatoria sa Media, Melly Babaylo sa Finance, ug Boyet Diez sa Private Education.

Una niini ang pagpili sa upat ka bag-ong miyembro sa Executive Board nga maoy gihulip sa daang upat nga mi expire na ang ilang tulo ka tuig nga termino, ug sa unang hugna sa piniliay gipili pag-usab alang sa tulo ka tuig nga termino sila Executive Assistant Isabelo L. Melendres ug PPDO Chief Raymundo Pajarito.

Samtang, ang duha nga bag-ong sakop sa BSP Comval Council Executive Board mao sila Teresita Mencidor ug Mayor Roberto Yugo sa Pantukan. (Gilbert Cabahug/IDS Comval)