PNoy nakakuha ug pinakadakong pag ubos sa ratings sa lima ka mga tag-as nga opisyal sa gobyerno, matod sa Pulse Asia

Kuyog  sa lima ka mga tag-as nga opisyal sa gobyerno, si presidente Benigno Aquino III ang nakahiagum ug pinaka dakong pag ubos pareho sa approval ug trust ratings sa Pulse Asia survey  nga gipahigayon niadtong Marso 1 hangtud  7 nga dunay 1,200 respondente.

Ang approval rating sa presidente ang mi ugsok  ug 21 porsyento nga puntos, kini  gikan sa 59 porsyento niadtong Nobyembre sa tuig 2014 ngadto sa 38 porsyento na lamang karong bulana. Ang trust rating usab sa presidente ang mi us-us ug 20 porsyento nga puntos, kini gikan sa 59 porsyento sa bulan sa nobyembre ngadto sa 36 porsyento karong bulana.

Samtang, misaka ang approval rating nila ni bise presidente  Jejomar Binay ang (nga anaa karon sa 46 porsyento gikan sa 45 porsyento ika ulahing kwarter sa tuig 2014) ug ni Senate President Franklin Drilon (nga anaa karon sa 49 porsyento gikan sa 47 porsyento).

Sa laing bahin, nakita usab nga mi ubos ang approval ug trust ratings nila ni House Speaker Feliciano Belmonte Jr. and Chief Justice Ma. Lourdes Sereno sa nakalabay nga upat ka bulan. (etf/PIA)