Malakanyang wala nabalaka sa panawagang mag resign si PNoy kalabot sa nahitabo sa Mamasapano

Wala naguol ang malakanyang kalabot sa mga panawagan sa pipila ka mga militanteng grupo ug mga alagad sa simbahan nga mo kanaog sa katungdanan ang President  human sa nahitabong insidente ngadto sa Mamasapano, Maguindanao.

Si Communications Secretary Sonny Coloma Jr. nagbutyag nga determinado ang pangulo nga taposon niini ang iyang termino sa tuig 2016.

Gipamugos usab sa malakanyang nga dili angayng basulon ang presidente sa nabulilyasong operasyon didto sa Mamasapano kung asa 44 ka personahe sa PNP-SAF ang namatay.

Si Armed Forces of the Philippines (AFP) Chief Gregorio Pio Catapang ang nag abswelto sa presidente sa bisan unsang kasaypanan ngadto sa operasyon sa Mamasapano.  Matod niya usa kadto ka tactical failure, walay nahitabong koordinasyon nganha sa mga nalambibit sa maong operasyon.

Ang militanteng grupo nga Bayan, ug sila arsobispo Ramon Arguelles ug Romulo Dela Cruz ang nanawagan nga mo resign ang pangulo ug manubag sa maong insidente. (etf/PIA)