Maayong sabot-sabot himoon sa mga lugar nga dunay Boundary Conflict

COMPOSTELA VALLEY, Feb. 23 – Mas labing maayo nga himoon ang usa ka maayong sabot-sabot aron ang tanan makabenepisyo sa bahandi sa kinaiyahan samtang wala pa maklaro kon asa gyod nahisakop ang usa ka lugar nga abunda sa quarry resources ug sa mina nga apektado sa Boundary Conflict.

Kini maoy gisulti ni Comval OIC PENRO-PLGU Chief Forester Eugene Alaba ngadto sa MENROs ug sa mga Punong  Barangay nga miapil sa libreng “Orientation on Small Scale Mining and Quarrying Laws, Rules, and Regulation” nga gidumala sa liderato sa probinsiya sa pagpanguna nila ni Gov. Arturo “Chiongkee” Uy, Vice Gov. Manuel “Way Kurat” Zamora, ug Senior Board Member Tyron Uy.

Nahitabo ang usa ka adlawng Orientation sa Social Hall sa kapitolyo niadtong Peb. 18,2015, ug miapil niini ang MENROs ug ang mga Punong Barangay diha sa mga kabarangayan sa onse ka mga lungsod sa Comval nga iladong abunda sa Mina ug sa Quarry Resources.

Sa iyang paghatag sa Rationale sa usa ka adlawng kalihokan gipasabot ni PENRO-PLGU Chief Alaba nga mas maayong himoon sa conflicting parties diha sa mga lugar nga apektado sa boundary conflict, nga samtang gipaabot pa ang official settlement mas maayo nga ilang himoon ang temporaryong kasabotan alang sa kaangayan sa makoletang buhis ug togotan lang ang mga operator sa quarry ug  sa mina nga magpadayon ang ilang pag-operate sa area.

Ang usa ka adlawng Orientation gisugdan sa Opening Remarks ni Provincial Administrator Virgilia S. Allones human ang mga pag-ampo, ang pag-awit sa National Anthem, ug ang acknowledgment sa mga partisipante. (Gilbert Cabahug/IDS comval)