GUGMASAN sa Panabo nakabinipisyo ug 10 ka Bangkang de Motor

Panabo City, Davao del Norte - 53 ka mangingisda gikan sa Gamay na Organisasyon sa Mangingisda ug Sanktuaryo (GUGMASAN) nalipay ug nagpasalamat nga nakadawat sila ug 10 ka Bangkang de Motor atol sa Valentine Cheers nga may temang “Paglaum ug Panaghiusa ngadto sa Kalambuan” kaniadtong Pebrero 13, 2015 sa Barangay San Pedro.

Nag-alayon niining proyektuha ang Department of Labor and Employment (DOLE) ug Lokal nga Panggamhanan sa Syudad sa Panabo. Mao nga kompleto usab kini ug gamit sa pangisda fish net ug fishing paraphernalia isip dungag tabang sa ilang kasamtangang panginabuhian.

“Ang atong pangandoy naabot na gayod ug ato kining ampingan ug palambuon kay dako kining katabang sa atong panginabuhian”, mensahe ni konsehal Renante Bangoy, SP Chairperson sa Agrikultura.

Dako usab pasalamat ni Zarapio Bullagar, usa ka miyembro sa GUGMASAN ug binipisyaryo sa programa, sa local nga panggamhanan tungod kay naabot na ang ilang gipangandoy nga makinang bankang de motor.

Mitambong usab sila OIC Provincial Head sa DOLE, Engr. Reynold Salmite, Labor Officer III Lym Ongoy gikan sa DOLE Tagum, , Rolando Tuazon sa City Agriculture Office ug mga opisyales gikan sa Barangay San Vicente.

Ang GUGMASAN grupo sa gamay nga mangingisda namugna atol sa mga gugma (Feb) uban sa katuyuang makaplagan ang kaayuhan sa tanang mangingisda sa Panabo City. “Ang Kinabuhi sa Mananagat Ampingan nga maoy naghatag Kusog sa Kumunidad” “Motto” sa maong grupo. (By: Erwin Cubio – CIO Panabo)