Mikabat sa 12.4 milyong Pinoy ang walay trabaho
sa ika-upat nga kwarter sa 2014. Kapareho kini sa 27% nga joblessness rate
nga pinakataas sukad matala ang 27.5% niadtong Disyembre 2013.
Base kini sa survey sa Social Weather Stations
(SWS) nga gipahigayon niadtong Nobyembre 27 hangtud Disyembre 1 sa 1,800 ka
respondents.
Tungod niini, nikabat sa 25.4% ang unemployment
rate average sa tuig 2014 nga mas taas kun itandi sa 25.2% niadtong 2013.
Base sa pagtuon sa maong survey firm, ang
pagsaka sa jobless rate niadtong milabay nga duha ka tuig tungod na usab
sa paghinay sa paglambo sa gross domestic product tungod sa miigong kalamidad
sa nasud.
Bisan pa niini, migawas usab sa resulta sa maong
survey nga 36% sa respondents ang positibong modaghan pa ang mag-abli og
trabaho sa mosunod nga 12 ka buwan.
Samtang 20% usab ang miingon nga mokunhod ang
available jobs ug 32% ang nagtuo nga walay mabag-o.
Migawas nga +16 ang net
optimism on job availability sa mga Pinoy nga naa sa klasipikasyong
"fair." (PIA)
No comments:
Post a Comment