Comval Province mag Fun Run sa 8th Bulawan Festival

Compostela Valley Province – Sugdan sa usa ka “Fun Run” nga mahitabo alas-singko sa kaadlawon sa Marso 1,2015, ang usa ka semanang selebrasyon sa 8^th Bulawan Festival ug 17^th Founding Anniversary sa Comval Province.

Segun sa pagpresentar sa Fun Run Coordinator nga si SP Member Raul Timogtimog atol sa Bulawan Committee Meeting nga gidumala nila ni Bulawan Action Officer Senior Board Member Tyron Uy ug Provincial Administrator Virgilia S. Allones, nga sa pagahimoong “Bulawan Fun Run 2015” adunay duha ka mga kategorya nga mao ang 3K kon lumba dagan sa tulo ka kilometrong gilay-on ug ang 5K kon lumba dagan sa lima ka kilometrong gilay-on.

Adunay P250.00 nga Registration Fee alang sa gustong moapil sa bisan asa sa duha ka mga kategorya, ug ang unang 5,000 registrants pagahatagan og libreng  limited edition nga “Bulawan Fun Run 2015 Jersey” nga duna nay Race Number. Dunay  Finisher’s Certificate ug light snacks nga ihatag sad kanila human sa ilang pag-abot sa finish line.

Registration Center sa “Bulawan Fun Run 2015” ang Provincial Administrator’s Office nga nahimutang diha sa 3^rd Floor, Provincial Capitol Building sa Brgy.  Cabidianan, Nabunturan, Compostela Valley.

Sama sa mga nahaunang Fun Run nga gipasiugdahan probinsiya, ang kitaon niini mopaingon gihapon sa dugang pang School Buildings nga tukoron sa probinsiya alang sa mga kabataan. (gilbert cabahug/ids comval)