Kapin P1.02 Bilyones CY 2015 Annual Budget sa Comval deklaradong Operative sa DBM

Compostela Valley Province – Deklarado nang “Operative in its Entirety” ang mokabat P1,012,797,768.00 nga Calendar Year (CY) 2015 Annual Budget sa Comval Province nga naaprobahan sa Comval SP sa pagpanguna nila ni Vice Gov. Manuel “Way Kurat” Zamora ug Senior Board Member Tyron Uy.

Nahitabo ang pag-aproba niini human gipaboran sa tanang SP Members pinaagi sa unanimous votes, ang gihimong pagpasar ni SP Member Macario Humol niadtong Nobyembre 19, 2014  atol 67^th Regular Session nga temporaryong gipanguluhan sa natudlong Presiding Pro Tempore niadtong adlawa nga si Board Member Neri Barte.

Apil sa mga mipabor sila SP Members Ramil Gentugaya, Paul Galicia, Atty. Arvin Dexter Lopoz, Atty. Ruwell Peter Gonzaga, Raul Timogtimog, Moran Takasan, Cesar Richa, Paul Galicia, Joseph Jaoud, ug Augusto Blanco Jr.

Gipahibalo mismo ni Vice Gov. Way K atol sa 74^th  Regular Session diha sa kapitolyo niadtong  Pebrero 4,2014, ang opisyal nga deklarasyon  sa DBM pinaagi  sa gipadalang sulat ni DBM Region XI Director Gary R. Martel ngadto kang Gov. Arturo “Chiongkee” Uy.

Sa iyang sulat, gisulti ni DBM Region XI Director Martel nga opisyal nga gideklara sa DBM nga “Operative in its entirety” ang tanang unod sa kapin P1.02 Bilyones  CY 2015 Annual Budget sa Comval Province nga naaprobahan sa Comval SP ilalom sa Appropriation Ordinance(A.O.) No. 04 Series of 2014 ug gisumiter for review sa DBM niadtong Desyembre 16,2014. (gilbert cabahug/ids comval)