APEC mipunting ug 200,000 ka university skolar matag tuig

Mokabat sa usa ka milyon ka mga iskolar sa mga unibersidad ang gipunting sa Asia-Pacific Economic Cooperation (APEC) nga motuyok sa rehiyon sulod sa lima ka tuig, hangtud sa 2020.

“Naglaum kita nga 200,000 ka mga estudyante sa unibersidad, matag tuig, ang mobiyahe ug mo-enrol sa mga membrong nasud sa APEC, aron mamugna ang gitawag nga ‘critical mass’ sa mga mahimong lider sa APEC sa umaabot,” si Senior Officers’ Meeting (SOM) Chairperson Ambassador Laura Del Rosario, miingon sa pagtak-op sa unang APEC SOM sa milabay nga Sabado.

                                               

“Ang 21 ka mga membrong-nasud sa APEC nagdasig sa daghan scholarship sa rehiyon aron mahimong puhunan alang sa kalambuan sa tawhanong capital, nga mao’y usa sa mga nag-unang prayoridad sa APEC, ning tuig, ug tungod kay ang APEC, naghatag sa kahigayonan sa edukasyon,” si Del Rosario, usab miingon.

Ang APEC Scholarship Initiative gilusad atol sa meeting sa APEC Trade Ministers sa Qingdao, China, sa milabay nga Mayo ug gi-endosar sa mga lider sa APEC pagka Nobyembre, sa Bejing. (PIA)