Gobyerno magpatuman ug mga programang magmugna ug trabaho

Aron mapalambo ang pagmugna ug trabaho o mabawasan ang walay trabaho, nagpatuman  ang gobyerno ug Community-Based Employment Program (CBEP), kini gi tumong aron makahatag ug panrabaho ngadto sa mga skilled, semi-skilled, ug low-skilled nga trabahante dinha sa kumonidad pinaagi sa mga pang imprastraktura ug dili pang imprastraktura proyekto sa nasudnong gobyerno, mga local nga mga panggamhanan, government-owned and controlled corporations (GOCCs), government financial institutions (GFIs), ug public-private partnerships (PPPs) diha sa national, regional, provincial, city, ug municipal levels.

Ang pag tubo sa ekonomiya sa nasud wala gi duyugan ug makahuloganong pag usbaw sa namugnang trabaho, kini sumala sa pagtuon sa pipila ka ahensiya sa gobyerno. Dugang pa sa maong pag tuon nga samtang nagpakita ang nasud ug malig-ong pag usbaw sa ekonomiya sa nakalabay nga tulo ka tuig, ang pagtubo sa namugnang trabaho ang nagpabiling lamyat. Ang Underemployment ug unemployment rate ang nagpabiling hataas nga dunay 19% ug 6.8% sa tinagsa.

Pipila ka mga pagtuon ang nagpahinungod sa lamyat nga pagmugna sa trabaho ngadto sa kakulangon sa pribadong pamuhunan sa nasod. Ang pag usbaw sa ekonomiya nakatutok lamang sa services sectors samtang ang industriya sa agrikultura ug pagamaan, kung asa maoy tinubdan sa trabaho para sa mga unskilled ug semi-skilled nga mga pamuo ang naulahi. (etf/PIA)