WHAPEE Caravan sa Panabo, Gidugok

Gidugok sa kapin 300 ka residente sa SOUTHERN DAVAO URBAN POOR HOMEOWNERS ASS’N INC., ang WHAPEE Caravan nga gilusad sa lokal nga panggamhanan didto sa open site sa maong dapit ning bag-ohay pa lamang.

Gikan sa hamtong ug kabataan ang nagdasok aron maka benepisyo sa libreng ibot sa ngipon, pagpakunsulta sa Doktor ug Breast Cancer Screening nga gidalit sa City Health Office.

“Nagpasalamat gyud ko kang Mayor James Gamao nga naabot diri sa among dapit kining WHAPEE kay nalibre ang akong duha ka anak sa pagpa doktor ug sa libreng tambal sa sip-on ug ubo,” matud ni Jenilyn Batino, nakabenipesyo.

Naghanyag sab ug libreng bakuna ug kapon sa kahayopan ang City Agriculturist’s Office ug nang apud-apod sab ug mga similya sa utanon nga may dalang abono.

Kuyog sab sa WHAPEE ang City Social Welfare and Development Office  aron pag pang apud-apod ug mga purchase booklet alang sa mga senior citizen ug registration sa mga solo parent.

Nagpahigayon sab ug mobile registration ang City Civil Registrar’s Office ug nagadawat sab ug mga NSO request ug queries kabahin sa mga clerical ug typographical error nga nakalatid sa RA9048 ug RA10172.

Mga bakanting trabaho sab ang dala sa Public Employment Service Office.

Naghanyag sab ug Libreng gupit si City Councilor Mawi Pamisaran.

Naa sab Philhealth disk aron mudawat sa mga pangutana gikan sa bag-ong magpa myembro.

Nang-apud apud sab ug mga school supplies ug calling card ang Panabo PNP ug gipangupitan ang buhok sa mga kabataan.

Libreng Manicure ug Pedicure alang sa kababaehan ang gihanyag ni City Councilor Raquel Geraldo.

Libreng ID lamination sab kang City Councilor Wahid Ranain.

Ang WHAPEE caravan usa sa mga nag-unang programa sa administrasyon ni Mayor James G. Gamao, nga diin dala niini ang batakang serbisyo ngadto sa katawhan ug sa milabayng tuig 2015 nikabat sa kapin 28,000 ka indibidwal ang naka benipesyo sa kabaranggayan ug karong tuiga gihimong sektoral ang pag implementar sa maong programa.  June G. Geraldo- CIO Panabo