Thursday, February 11, 2016

9,240 bags libreng semilya sa Mais nahatag sa Comvaleño Farmers sa nakalabayng 2015



Compostela Valley Province – Kalabot sa mga dagkong ayuda sa panguma nga gitunol sa mga mangungumang Comvaleño ang padayong pagpanghatag sa libreng Semilya sa Mais nga diin sa sa milabayng 2015 lang ang probinsiya nakapanghatag sa 9,240 bags libreng semilya sa mais nga kabahin sa padayong “Rebuilding and Recovery” nga gipakusog sa liderato sa probinsiya sa pagpanguna nila ni Gov.
Arturo “Chiongkee” Uy, Vice Gov. Manuel “Way Kurat” Zamora, Senior Board Member Tyron Uy, ug SP Members.

Pinakaulahing Report sa Provincial Agriculturist Office ubos sa pagdumala ni PAGRO Chief Dr. Rolando Simene nagtug-an sa  7,790 bags Open Polinated Variey (OPV) Corn Seeds nga gipanghatag sa probinsiya nga libre ngadto sa Comvaleño Corn Farmers   niadtong milabayng tuig kauban ang laing 1,450 bags nga Hi-Breed Corn Seeds.

Gigikanan sa gipanghatag nga libreng Semilya sa Mais ang dakong pundo nga gihatag sa Comval ni Pangulong Benigno S. Aquino-III pinaagi sa Department of Agriculture ug kadtong abot sa padayong Agro-Techno-Demo sa probinsiya diha sa Lamdag Agro-Eco-Tourism Complex sa Barangay Pasian, Monkayo.

Dugang sa Report ang dul-an P62 Milyones dugang ayuda sa panguma alang sa tuig 2016 lang nga ihatag gihapon sa Comval ni Pangulong Aquino pinaagi sa Mindanao Development Athority (MINDA) ug sa Department of Agriculture (DA) nga nagtumong  sa mas daling pagbangon, pag-asenso, ug paglambo sa kahimtang sa pamuyo sa mga mangungumang Comvaleño.

Sa milabayng 2014 ang probinsiya nakapanghatag sad sa mokabat 7,368 Comvaleño Corn Farmers sa libreng semilya sa mais, ug  Open Polinated Variety(OPV) ang gipanghatag nga mga semilya mao nga dili na sila maglisud sa sunod nilang pagtanom kay puwede ra sila mokuha ug semilya gikan sa ilang abot.

Sa Department of Agriculture(D.A.) nagagikan ang 3,065 ka sako. Ang uban pinalit sa probinsiya ug abot sa   Provincial Agriculturist Office(PAGRO) diha sa maisan niini nga gitanom gihapon sa Lamdag Agro-Eco-Tourism Complex sa Brgy. Pasian, Monkayo. Apil sad sa gipanghatag nga libreng semilya sa mais ang gikan sa duha ka Humanitarian partners nga mao ang Philippine Red Cross ug ACF. (Gilbert Cabahug, PGO-IDS)

No comments:

Post a Comment