DavNor gipasidunggan ang “Best Gulayan” nga eskwelahan

DAVAO DEL NORTE—GIPASIDUNGGAN sa probinsyal nga kagamhanan ang mga “Best Gulayan” nga eskwelahan niadtong Byernes, Pebrero 12.

Ang Gulayan sa Paaralan Program (GPP) maoy proyekto sa National Greening Program sa kagamhanan aron mamenosan ang kulang sa sustansya nag eskwela nga mga kabataan. Tumong usab sa GPP nga mapauswag ang pagdaghan sa mga utanon diha sa tunghaan ug aron usab danihon ang mga estudyante sa pagkaon ug gulay pinaagi sa School-Based Feeding Program (SBFP).

Aron mapadayon ang programa gilusad ang usa ka indigay alang sa Best School Garden Implementers sa tibuok probinsya sa elementarya ug hayskul nga lebel.

Ang implementasyon sa GPP maoy ubos sa Departamento sa Agrikultura kauban ang Departamento sa Edukasyon ug mga Local Government Units kun LGUs.

“Pinakamaayo gyod nga programa kini. Kay sukad nahimo akong gobernador, ang number one problem ng atong mga kabataan dinhi was malnutrition, malnourished children. And in fact yung malnourishment among children was very prevalent even in the schools,” matod ni Gobernador Rodolfo del Rosario sa iyang mensahe atubangan sa mga magtutudlo.

“Tungod sa atong programa sa nutrition, sa provincial government pinaagi sa DOH sa atong PHO in coordination with DepEd, ang atong problema sa malnutiriton has been corrected,” pagdasig sa gobernador ngadto sa tanan. 

Pinasikad sa mga sukdanan nga gilagda sa PAGRO, migawas nga mananaog ang Don Ricardo Briz Elementary School sa Tagum City diha sa container nga kategoriya.

“We do believe that it takes a village to educate a child. So from that, we advocated our Gulayan sa Paaralan Program through our community. We push for urban gardening and since the school is situated besides malls, so we tag our Gulayan sa Paaralan Program as “mall gardens,” matod ni Ms. Joy Jade Relos, ang Principal sa maong eskwelahan.

Labot sa Field category, ang New Bantayan Elementary School sa lungsod sa Asuncion ang migawas nga mananaug. Tungod kay ang maong eskwelahan adunay kapin sa duha ka ektarya nga luna, usa gayod ka ektarya ang gideboto alang sa GPP.

“At the start nahimo namo ni nga program because number one, the reason to eradicate the malnutrition of the school and then through the program of “no-collection policy” of the DepEd. Kailangan ng school mag-innovate kung saan kami pwedeng makakuha ng budget to sustained the school activity,” matod ni Dr. Jocelyn Fernandez, ang Principal II sa New Bantayan ES.

Ug pinaagi sa pagtinabangay sa mga personahe sa PAGRO, MAGRO, mga ginikanan, magtutudlo ug mga estudyante, gisaysay ni Dr. Fernandez nga tungod sa GPP, nahimong income-generating project sa ilang eskwelahan ug adunay kaugalingong bank account ang tanang grado sa maong tunghaan.

Gawas sa natigom nga kwarta gikan sa halin sa mga utanon, matod ni Fernandez nga gusto usab nilang i-showcase ang ilang eskwelahan labot sa mga gulay nga gipadako sa organiko nga pamaagi sanglit layo kini sa lungsod.

“Considering that New Bantayan is far from the Asuncion market, gusto namin that we can showcase the clean, safe, organic vegetable to the community,” matod ni Dr. Fernandez kansang eskwelahan midawat ug P10,000 mil nga kwarta ingong premyo sa malampusong Gulayan sa Paaralan Program. (PIO DavNor)