Wednesday, February 17, 2016

Tambag sa DOH sa mga kababayen-an, likayi una ang pag-buntis



Gitambagan sa Department of Health (DOH) ang mga kababayen-an nga e-dilatar una ang ilang pagbuntis, taliwala sa pagkatap sa Zika virus sa parte sa Latin America.

Matud pa ni DOH Kalihim Janet Garin, mas maayo kun sa 2017 na lamang mag-planong magka-anak ang mga magtiayon aron malikayan ang Zika virus nga maka-apekto sa masuso.

Ang Zika virus nga gikan sa pinaakan sa lamok, makaingon og birth defects sama sa gamay nga ulo sa masuso nga mahimong adunay epekto sa development sa bata.

Ang mga sintomas sa Zika mao ang taas nga hilanat, paghina sa kaunoran, libagha ug conjunctivitis.
Kalabot niini, gitambagan ni Garin ang publiko nga likayan una ang pagbisita sa mga nasud nga adunay mga kaso sa Zika. (PIA)

No comments:

Post a Comment