Pilipinas ika duha sa pinaka delikadong nasud para sa mga peryodista - IFJ

Ang Pilipinas maoy ika duha sa delikadong mga nasud alang sa mga peryodista sa nakalabay nga 25 ka katuigan nga dunay 146 ka mga pagpamatay, kini sumala sa International Federation of Journalists (IFJ).

Ang nasud sa Iraq ang nanguna sa listahan nga dunay 309 ka mga pagpamatay sa mga mamahayag, kadaghanan niini sukad niadtong 2003 nga giyera. Ang nasud sa Mexico nga dunay kagubot tungod sa droga ang natala nga ika tulo nga dunay 120 ka pagpamatay.

Ang Pilipinas ug Mexico ang migawas sa mga pagtuon sa IFJ’s nga matod pa daghan pa hinuong namatay sa malinawong sitwasyon kay sa mga na apektohan sa giyera nga mga nasud. (PIA)