Pilipinas misalmot sa panawagang matapos na ang illegal nga komersyo sa produktong tabako, matod sa Palasyo

Miduyog ang Pilipinas sa mga nasud nga hiniusang naglihok para maundang na ang illegal nga negosyo sa mga produkto sa tabako, kini sumala sa pahayag ni Presidential Communications Operations Office Secretary Herminio Coloma, Jr. niadtong adlawng Domingo.

Sa pakighinabi kaniya sa dzRB Radyo ng Bayan, gi butyag ni Coloma nga nakig-hiusa ang Pilipinas diha  sa ubang kanasuran sa tibuok kalibutan ug sa World Health Organization (WHO) sa paghandum sa World No Tobacco Day (WNTD) ubos sa tema “Stop Illicit Trade of Tobacco Products.”

Matud sa WHO, tabako maoy nag-unang hinungdan sa kamatayon sa 6 million ka mga hinabako sa tibuok kalibutan, ug maoy responsable sa kamatayon sa 600,000 ka mga dili hinabako gumikan sa secondhand smoking.

Ang World No Tobacco Day karong tuiga nagpahinumdum sa kakuyaw  nga mahatag diha sa panlawas sa pag-panabako ug sa pagsangyaw sa mga epektibong mga palisiya pagpakunhod sa pag-panigarilyo. (PIA)