Comval Provincial Hospitals mohatag ug Libreng Opera sa kabus nga mga pasyente

Compostela Valley Province–Andam kanunay ang Comval Provincial Hospitals pagtabang sa mga kabus nga mga katawhang Comvaleño pinaagi sa paghatag ug libreng Opera sama sa Bungi, Danlak, Goiter, Cyst, ug uban pa nga kabahin sa mas gipalapad nga Curative Aspect sa Health Services Delivery nga gipatuman sa liderato sa probinsiya sa pagpanguna nila ni Gov. Arturo “Chiongkee” Uy, Vice Gov. Manuel “Way Kurat” Zamora, Senior Board Member Tyron Uy, ug SP Members.

Gisulti kini ni PEEMO Chief Dr. John Edward Coloma ug matud niya libre sad ang mga pasyenteng indigent nga manganak pinaagi sa Caesarian Operation labi na kadtong Enrolled sa Government Sponsored PhilHealth. Samtang, dili sad angay nga mabalaka kadtong mga pasyenteng kabus nga walay PhilHealth tungod ang Hospital andam sad pagtabang kanila nga ma-enroll sa Philhealth pinaagi sa “Facility Based Enrollment”.

Sa ilang pag-adto sa mga Hospital sa Comval Province panegurohon lang matud pa nga sila magdala sa ilang Birth Certificate, Marriage Contract alang sa mga minyo, ID sa Senior Citizen, ug Certification sa Baranggay nga sila Indigent.

Kadtong buntis nga dili indigent puwede gihapon nga matabangan sa “Facility Based Enrollment” sa Hospital sa bayronong P2,500.00 lang, og ang indigent nga mga pasyente mahimong moduol sa opisina sa Social Welfare sulod sa hospital aron siya matabangan. (Gilbert Cabahug/IDS Comval)