Comval Province gipangayo ang P960 M pundo sa TIEZA alang sa 5 Proposed Tourism Development Projects

Compostela Valley Province -– Lima gyod ka Proposed Tourism Development Projects nga makagasto sa dili moubos P960 Milyones ang gipangayo karon sa Comval Province ngadto sa “Tourism Infrastructure and Enterprise Zone Authority” kon TIEZA nga ubosa sa pagdumala ni TIEZA Chief Operating Officer (COO) Mark Lapid pinaagi sa resolution nga naaprobahan sa Comval SP atol sa 88^th Regular Session nga gidumala ni Vice Gov. Manuel “Way Kurat” Zamora niadtong Mayo 27, 2015 diha sa SP Session hall sa kapitolyo.

Proponent sa Resolution si SP Member Macario Humol nga maoy nag-esplikar sa kamahinungdanon sa isumiter sa TIEZA nga lima ka Tourism Development Projects sa probinsiya nga dakog matampo alang sa gitinguhang paspas nga paglambo sa pamatigayon, sa kahimtang, ug maayong pamuyo sa mga katawhang Pilipino sa kinatibuk-ang mga panglantaw tungod sa gilaomang pagdaghan sa mga turista nga madani ug mobisita sa nindot nga mga tourist destination sites sa  Comval Province.

Tulo niini nga maoy labing dako ang sa Maco nga mao ang “Concreting of 30km Elizalde-Panoraon-New Leyte-Paloc Tourism Access Road”-P800 Milyones, ang “Lake Leonard Eco-Tourism Park Development”-P120 Milyones, ug ang “Mainit Waterfall Hot Spring Development”-P20 Milyones. Apil sad ang “Montevista View Deck Development”-P10 Milyones, ug ang “Nabunturan Solid Waste Learning Center”-P10 Milyones.

Ang resolution giuyonan sa Comval SP pinaagi sa boto nga unanimous ug apil sa mga miboto pabor sila SP Members Raul Timogtimog, Ramil Gentugaya, Ruwell Peter Gonzaga, Cesar Richa, Moran Takasan, Joseph Jaoud, Neri Barte, ug Randy Opisan. Pabor sad sila Senior Board Member Tyron Uy, BM Augusto Blanco Jr., ug BM Atty. Arvin Dexter Lopoz. (Gilbert Cabahug/IDS Comval)